2008年3月4日

神父教你寫遊記(1)

神父教你寫遊記 (1)

各位同學請依照下圖, 分別作例句:


例句: 裕美版
「你睇下個天, 幾藍! D沙, 好黃呀! 呢度好大風呀! 呼呼呼~~ 北風大哥, 請你唔好吹得咁大力好嗎! 好遠既雪山姐姐, 妳好靚呀~~~」


例句: 燦神版
「你地睇下呢度, 你地唔好以為係假既, 其實全部係真既。睇風景, 要由唔同既角度去睇; 好似我阿燦咁, 有咩風浪未見過, 成功、失敗、再成功、再失敗...呢個世界上冇唔能解決既事, 成唔成功唔重要, 但係你要享受個過程...千山萬水黎到呢度, 過程裡面或者好辛苦, 但係怨係於事無補既, 你要去改變佢!」


例句: 耶菜芬版
「黎到呢度, 嗚嗚嗚嗚嗚, 我感覺到人係幾咁渺小, 神係幾偉大... 嗚嗚嗚嗚嗚, 當年耶蘇被放係荒野40日, 最後為左全人類既罪, 而犧牲自己, 嗚嗚嗚嗚嗚, 係呢度, 我感覺到心靈上既滿足, 放低左塵世既事, 好好咁感受一下自己同神既溝通。」


例句: 傾Sir版
「(喜多郎絲路BGM) 今日, 攝製隊黎到新疆, 柏米爾高原既途中。根據十三世紀馬可.孛羅既記載, 呢度係古絲綢之路既熱門通道。我地幻想, 係呢度曾經有數之不盡既商隊, 日以繼夜咁趕路...」