2008年7月24日

我的80年代 (十)

我的80年代 (十) 雜項補遺 from 歌唱魂


在《我的八十年代》系列, 發表了針對年份的簡評後, 在搜尋資料的過程中 (* 其實, 當時搜尋的東西本來跟"80年代"無直接關係...), 得到「歌唱魂バンダシー」的Blog主歌唱魂的來信, 交換了不少重要的資訊, 我認為值得把當中部份公佈給大家。

BTW, 歌唱魂的Blog也是個好地方, 裡面就ACG方面有很多很有代表性的文章、資料跟照片; 這方面他是比我強得多的, 因為相比起來, 他那邊有著很多豐富而珍貴的物品圖片:

歌唱魂バンダシー
http://moronenemy.blogspot.com/


由於原文是電郵一來一回的對答, 因此我將作適當修訂, 以更適於閱讀。以下藍色的, 是歌唱魂的原文(小部份曾作改動)。


──────────────────────────────

你還在收集CASSETTE機﹐MATCHY頭相片﹖CASSETTE機應該GOOGLE得出﹐尤其是鬼佬一定還有很多啦﹐落後嘛。

係, 其實收集左好耐, 如你所見, 根本差唔多冇人提供。果d"大佬機"問題係依家根本記唔起d型號, 否則就真係應該好易google出黎。


關於80年代Alan﹐我真的認為係精心計算所以用那些超易上口上心的快歌做主打first plug﹐係故意的。 我猜你或多或少都贊成80年代是聰明香港人比例最高的時代﹐所以那時的聰明商人不可小看。愛情陷阱到牆上的俏像大碟裡面非俗爆主打的好歌還有很多呀。

呵呵, 對於Alan, 當年確有種"被出賣"既感覺, 之前遲來的春天、霧之戀、愛的根源果期我仍然勁中意, 問題係打後佢實在連我呢種, 當時冇乜"品味"可言既中學生都頂唔順, 其實就算"商業"都可以玩得好好架嘛。
佢其實一直有好歌, 但往往好歌就唔出, 專用"愛情陷阱" "暴風女神" "魔鬼之女"呢種低B歌黎打, 直接令我接受不了。有時真係唔明, 唔通佢自己(或唱片公司)認為, 會買佢碟既人都會係果隻口味?

平心而論, "噱頭化"都唔係Alan獨有; 張國榮一樣在巔峰期後出現"噱頭化"無腦現像, 《側面》《暴風一族》可作為代表, 即使當時好迷佢, 但確實, 除左"有型"之外真係完全無聊。

順便回答一個曾經有人問過我既問題, 點解我會話中意張國榮只限於前期同中期? 我口中既"中期"其實係去到佢《風再起時》第一次退出既時候。點解後來佢返出黎又唔中意呢, 首先絕對要聲明, 我絕非因為佢承認係基佬而抗拒, 我又冇咁幼稚...。重點有二 : 你認基佬真係唔緊要, 但係你仲要走去戴核突假髮扮女人...sorry, 超出左我既接受底線了。第二, 佢"復出"後d歌大部份真係唔多掂。


你貼出兩張民間溫和派媽池頭﹐右面那個絕對不合格﹐太型仔﹐是90年代中的流行髮型來的。

由於我本人記憶混亂, 其實已經記不清究竟80's中葉其實有冇演化過右圖裡面那種髮型, 記憶中似有, 但比你講講又懷疑自己錯。暫先放之, 但歡迎 (期望) 有其他人來信指教! 當然最最最希望的, 還是收到兇猛派Matchy Cut照片!!


再看你關於旺角卡門﹐阿飛正傳上映時候香港群眾的反應﹐社會大環境。忍俊不禁。我自己.........當時是半認真心態去看電影﹐已經視睇戲為其一大興趣了。我記得我好似是一個人去旺角金聲看阿飛﹐我自覺文藝高尚(嘔)﹐當日不會說回水呃錢等﹐不過看完很迷就是了。我是入場之前﹐已經在電影雙週刊裡看出了點阿飛並非飛仔爭地盤少年黑幫片的端倪了。

你算係在那個時期裡難得的"知情人士"了。我自問當其時同樣係期待睇一套「懷舊版旺角卡門」既觀眾。好在當時結果冇入場, 否則我相信我都會係媽叉住出院, 然後從此唔會再睇王家衛既港人。


80年代日本偶像筆盒﹖我有的是80年代末的中山美穗和南野陽子﹐我遲些或者今天貼上blog﹐如果你有用有興趣﹐你隨意連結轉載圖片啦﹐只怕不是你心目中要的。


(原帖 : http://moronenemy.blogspot.com/2008/07/blog-post_18.html)
在此轉貼他的兩個筆盒, 確實非常珍貴, 而且正好就係我最想搵既一類產品。
值得一提的是, 上圖裡面的中山美穗, 當時(以上面的照片為準)還未大紅大紫, 最主要的還是當時還不是後來的那位"大美人"中山美穗; 因此這個時期的中山美穗產品, 在後來變成很難找得到的物品。


相聚一刻查資料是80開始連載沒有錯. 問題是你寫的是香港80年代回憶. 多香港少年認識相聚一刻, 絕對是足幾年 後漫周連載的事情了.

冇錯, 呢個問題係我寫timeline時既致命傷, 但無辦法了, 因為假如要追尋到"香港仔幾時開始有得睇"某套作品, 就遠遠超出我能力了。只好單憑作品本身年份黎寫。


沒錯, 我個人經驗, 堂大佬是大我兩年的屋村仔, 但他卻鄙視成龍的龍少爺, 以自己捧新藝城的恭喜發財(Alan演的)場為榮的. 我有否記錯年份呢. 與最佳拍檔對撼的應該是蜀山, 對嗎? 因為我住佐敦, 常去嘉禾, 注定了小孩階段的我沒來由的較喜歡嘉禾多於新藝城的.

由於舊版蜀山(鄭少秋)具體上映"月份"找不到, 而記錄上卻是跟【最佳拍檔】不同的兩年。但因為因為【最佳拍檔】是賀歲片, 因此有可能兩者只不過是12月跟1月之別 (因為你有"兩片對撼"的記憶)。
【恭喜發財】留給大家的是甚麼? 當然是柏安妮!!


東亞PLAN的射擊遊戲, Tiger Heli和究極TIGER中間還有一只飛翔鮫, 雖然不是直升機.

係, 不過因為呢隻野冇乜重要性, 所以冇刻意放入timeline及說明。

你說天龍精選漫畫出現的年份, 我總覺得說早了, 總覺得是87年後才出的.

的確要搵多幾個人確認先得; 因為我唯一可以做線索既, 就係必定開始【淚眼煞星】連載後就有天龍精選, 不過呢個線索有等於冇。

你玩騎馬的吞食天地竟然用劉備的? 我的朋友堆都是用關羽儲氣打雙行這技巧通關的.

哈, 可能係地區問題 --- 因為那時官塘區基本上冇人用關羽 --- 偶然有果個都係揀人禁錯制, 哈哈哈。

呢度涉及一個我成日提到的老話題 : 區域性。我絕對唔係中意將Internet神話化既人(甚至好憎), 但實情係在internet流行以前, 香港的各類次文化往往普遍呈現"區域性"現像。
(* 但在那年代, 卻同時有"趨同"現像; 鬼佬應該會列入所謂的"共時現像")

其實區域性係文化傳播上既典型現像, 例如「嫦娥奔月」內容就係唔同地區都有唔同內容, 更唔使講中國以外的版本。不過發生在彈丸之地 + 人口密集如香港, 呢個現像就變成一項有趣的課題。

舉例講, (早一兩星期先同朋友吹水提到)兒時遊戲表面上大家都識, 但大話怕計數, 只要認真坐低"寫SPEC", 就好可能發現大家所玩既可能好大出入 --- 例如「天下太平」究竟"X級豬"既"Default Value"係幾多? 咩條件下可以multi-target, 或者根本未聽過可以multi-target? 「鬥獸棋」「飛行棋」部份細項設定條件、「淨色膠刀劍」被擊中的定義? 全部表面上大家都識, 但一旦較真, 將發現原來大家玩既都有分別。

因此其實至少直到「前Internet時期」的 "Street Fighter II" (* 唔想用「街頭霸王」呢個由撚人許景琛改既系名; 大家唔通唔記得左, 之前我地係叫佢「街頭戰士」或者就咁叫返原名「快打旋風2」架咩?? 仲有大家明明嗌開「將軍」好地地做乜要跟個撚人改口嗌「司令」??), 都仍然呈現明顯的區域性現像; 當時/早期 "越區打機" , 往往令人有種 "出國旅行" 既錯覺; 因為確實區區唔同。有段時期我同朋友成日講笑話出去挑機, 開波前要問清楚對方「打開咩例?」 XDD ; 打官塘例定沙田例? 葵芳例? 絕非講笑...
- 北角區用軍佬輕腳屈撻係"合法化"既
- 沙田區春麗"插插技"係流行主打技, 我作為深水埗人當時從未見識過
- 沙田區友見我用"怪獸近身 前中P"會全場大吃一驚
- 但"怪獸近身 前中P"係深水埗係常用技
- 澳門最旺區, 打左三間機鋪都冇人識蘇聯佬旋風撻 (證據: 打左X鋪, 完全冇一個人有 "防蘇聯佬跳輕腳落地撻" 既意識)
- 慈雲山唔知咩原因, 會將"Ryu中腳防空"呢招無聊招列為禁招

係果個大家剛剛為佢瘋狂、市面又未有"明抄港漫"時, 其實大家都已經係度自己同人創作SFII古仔。記得當時90%既模式都係標準日式英雄打鬥漫畫或故事, 但我既SFII故事卻係「類柔王丸」故事 --- 主角將會係"石野南"式小學生, 籍由同校內、區內、區外唔同對手挑機而發展故事。實際"作戰"時就會變成遊戲內主角作敘事人 (即係柔王丸咁)。而主角會因為"阿媽帶佢去北角拜年"之類原因而同各區唔同風格既選手戰鬥......

直到internet年代, 香港本地的區域性現像才逐漸消失。


太古城的少年廊! 沒有你提起我完全忘記了. 其實我沒有去過, 就是九龍的都沒有去過. 後來有從朋友處搶到少年廊 買的高達MSV書籤, 圖見blog. 智源反而有去, 以前那裡亂得很, 自己又相對懂得少, 所以入到去如入寶庫.

我係九龍人, 所以果時要去太古城已經係件大事了。智源果頭亂就唔多覺, 可能同官塘讀書有關... 不過入去智源總覺得有份無型壓力, 所以好少去。


──────────────────────────────

其餘一些由「歌唱魂バンダシー」處強搶回來的珍貴item照片...

那個年代勁流行的日本偶像明星磁貼 (忘記當年既"學名"係乜...應該唔係就咁叫"貼紙"或者"攝石"既)


小...小...小忌廉呀!


以前提過既《全日本暴貓連合》。其實應該比"中森明菜"的"輸入"來得早一兩年。而且給我印象最深的飛車貓, 反而係"潛野"("扭蛋"係好後來既叫法)。