2008年8月24日

SC4芭比展(Aug2008)

SC4芭比展(Aug2008)

講左啦, 《Soulcalibur IV》玩玩下玩芭比公仔(自創人物)幾乎好玩過隻Main Game; 上網見人地架仔真係玩得好勁。台仔都搵到d, 但港仔就得把死人口係度吹吹吹, 冇見過咩人有貼過出黎。

我都整左好鬼多, 以下係一部份我自己覺得比較滿意既做型。其他冇post出黎既做型更多, 但果d質素平平唔想貼。


登登登登!
Soulcalibur版劉美君Prudence。前後搞過幾次其實都唔太好, 主要原因係髮型。原本以為演唱會個髮型應該好易搵, 結果冇一個接近, 最後都要用返佢既招牌BOB頭, 但套返演唱會金髮。
PS : 後來發現條褲兩截色掉轉左。

另一版本劉美君, 年初AUDI活動時做型。髮型又係以為實有, 點知冇個似, 依舊用返BOB頭。


邪惡叮噹, 自覺整得比架仔仲靚d。左下係新版, 唔要件衫, 似乎更好。


趙雲 : 分兩個版本, 分別係「吞食天地II」版本、同「三國無雙」版本。
吞食天地II版本:
前後搞過幾個版本, 下面的是最終版。

三國無雙版本

呂布 : 衣飾基本上以三國無雙為藍本, 但由於三國無雙入面既呂布, 做型都同演義入面跟得幾足, 所以出黎同其他版本"呂布"分別唔大。問題係個"甲由"頭搞唔到, 索性混合概念, 出漫畫中常用既金髮鬼佬型像, 出黎反而勁夾。

深田恭子"下妻物語" : 我梗係唔會arm啦, 係應某名粉皮Request做既。

空姐姊妹花系列 : 一個KA, 一個MU(中國東方)。做型幾乎相同, 色系有分別, 下半身做型也有小小分別。

天使姊妹花系列 : 天使嘛, 比較性感。色系唔同, 髮型也唔同。

其他雜項做型 : 整左既梗係仲有好多, 呢度係部份我自己比較中意既幾個:
左上 : 中國娃娃「小燕」

右上 : 盔甲系之中我自己做得比較滿意既一個。

左中 : 雙劍妹, 此做型更新過好多次, 由最初標準白雪雪妹妹變依家黑妹。因為發現幾乎人人做女角都要白雪雪, 嘗試一下其實健康蜜色皮膚都可以好睇, 不過依家"屏攝"就完全睇唔到銀幕上真實既表現。

左下 : 紅色「忍者王」, 因為細個任何忍者Game既1P都一定係鮮紅色既...

右下 : 僧人做型。其實毫無意義, 因為"僧侶裝"係build-in full suit可以揀既, 冇咩特別需要自己修訂, Custom意義唔高。