2008年9月8日

白票、廢票遠遠好過唔投票

白票、廢票遠遠好過唔投票


(8/Sep Updated)
也難怪"後生仔"們對投票有反感。回歸後香港真係好核突。「公民責任」云云, 一副大家長口吻, "中國香港"政府就連語言文句都回歸。口口聲聲"責任" "盡責"云云, 細路雖然冇得投票, 但聽到實反感。

用d咁差既字眼, 難怪宣傳極, 個投票率都偏低。你問我, 我從來唔認為係「責任」, 更加唔係「義務」。我會咁睇 : 呢個係一個難得既權利。一個你可以光明正大(呢點好重要)咁去對整個 建制 FIGHT BACK 的一個Attack。"建制"一詞係呢度係指廣義的、社會整個制度, 而並非傳媒慣例所指狹義既"建制派"。而係包含整個舞台既所有人, 包括政府、保皇、泛民、中共...既總合體。



香港人, 尤其班"所謂"後生仔, 做人已經on撚九九, 懵撚閉閉。廿鳩幾歲仔係度扮乜撚看透世情? 終日講d「挑, 天下烏鴉一樣黑啦」「選個個咪又係一撚樣」等廢話扮世外高人, 講穿只不過係用黎掩飾自己無知、漠不關心、唔識面對嚴肅課題、廿鳩幾歲只懂吃喝玩樂打NDS, 背手機SPEC戴賴屎CAP帽, 溝旺角Janice Man。

而係我之上, 果一大班4X, 5X金毛港農貨Van男, 只懂坐小巴用全車聽到既音量大講其三文錢"做人道理", 「搞咁多野把撚咩」「投票又唔係有錢分!」...... 呢堆柒人雖然唔會走去投保皇黨, 但呢種人講咁撚多野, 其實核心思想只有一點 : 就係「投票咁撚麻煩」, 不如早早約班"巴打"上常平Dup骨叫雞起雙飛。但反正呢班港農老早已冇得救, 於社會上等同活死人, 對社會毫無營養毫無益處, 基本上唔值得為其勞心。

我痛心既係中間三字頭果班。

舊年三萬點、今年傳聖火, 偏偏、剛剛、正正毒害左一大班呢個range既人, 成為變型人、甚至主動變身成港產憤青有之。同信教一樣, 剛剛信既人最熱心。呢班「忽然愛國」仔, 每每聲佢最大, 但一言一語無不顯露出自己雖自稱「愛國」但其實對呢個「國」既認知幾近於零。

我想講, 香港選舉本來就已畸型, 但畸型之餘仲要不斷被傳媒同政府官員刻意誤導同影響。其實如果你覺得反正「選左咪又係咁」、個個都樣撚衰, 選唔落手、覺得根本未有足夠了解佢地、或甚至從根本上就係對目前選舉制度/模式非常不滿... 你一樣可以籍由 "參與投票" 黎傳遞你既訊息。

就係所謂既白票同廢票。係, 我唔止一次講過, 逍遙侯/神父絕對支持白票同廢票既存在, 呢兩種"票"本來就有佢自己既意義同訊息("廢票"更含有多種不同訊息), 本來就係投票制度中既重要部份。話"重要"係因為即使台面上不能、不敢承認, 但骨子裡卻必需面對它們所傳達的說話。


白票 : 你選唔出? 一個都揀唔落手? 無法係一堆撚人裡面夾硬選個仆街出黎?... 投白票啦!

廢票 : 成個選舉烏煙蟑氣? 黑幕重重? 無法無天? 根本係場show? 簡直係市民既恥辱? ... 投廢票啦!


上一次陳太vs葉劉, 不希望有白票廢票我可以理解, 因為那次是明顯的戰略層面因素, 而且, 那樣也不正正是默認了白票跟廢票所象徵的意義嗎。

其實我想講乜呢。其實我想講既好清晰, 就係 : 假如你因為任何理由而拒絕投票, 係非常錯誤既選擇。因為實際上你都可以、你都應該籍由投票去作出回應 --- 使用白票、廢票作為你既武器。用白票廢票黎對整個建制作出控訴, 而唔係消極地拒絕投票。

或者你一直被弱智既官員、傳媒誤導左, 以為唔能咁樣做、或者有咩壞後果; 我依家專程話你聽 : 冇錯, 你走去投白票、廢票, 遠遠遠遠比你「唔去投票」要強上一百倍。


假如你問我, 我會話你聽 : 走去投保皇黨既人, 要比連白票都唔願去投既人, 更值得尊重。