2008年11月26日

我撐李嘉欣



我撐李嘉欣。




我撐李嘉欣, 因為我已經忍受唔到d八婆、港女、cheap佬、賤男們的疲勞轟炸, 已經到忍無可忍既地步。八婆賤格佬們總係話報紙新聞疲勞轟炸, 其實佢地自己至係, 而且仲愈變本加厲, 愈鬧愈過癮。

依家"鬧李嘉欣"已經變左潮流, 遇到機會唔鬧返幾句, 就唔顯得自己潮; 身邊人鬧你唔鬧埋一份, 就好似融唔入; 唔鬧佢唔笑佢就唔係正常人。之不過咁arm, 我就係呢D"唔係正常人"之一喎! 唔好意思, 我想問問各位 : 你地知唔知自己究竟係度做乜撚野?

本來人地好好地終於拉埋天窗, 唔客氣講句, 關你撚事? 你嫌人地唔請你? 不過對於最初第一批鬧、笑既人, 我保持適度"尊重"。因為呢班人鬧/笑都係自己意思、自由意志; 但係跟住黎人鬧亦鬧人笑亦笑既大部份, 我要對你地講, FUCK YOU (外加中指)。

你憑乜話人呀? 你話人地D乜呀?


***** ***** ***** ***** *****


鬧人又老又殘? 到你38歲有人地咁樣先講野啦。即使係演藝界, 到呢個年紀而靚既其實講來講去都係來來去去果幾個。李嘉欣, 由以前到依家一直都係大美女。偶有失手、跌watt, 跌來跌去依然係係S級到A級之間上上落落; 38歲既佢, 照樣秒殺依家班廿零打後港女s(或八婆s)。

鬧人唔知醜? 鬧人唔乾淨? 妳係咪以為只要開口鬧佢唔乾淨、咁人地就自然覺得妳就好"乾淨"? 鬧左佢妳就變得貞潔喇下話? 憑乜野話人? 妳班八婆又夠唔夠膽數下自己幾多? 係唔係即刻失憶, 即刻「以前D野唔想提」?

究竟邊個唔知醜?

話人cheap, 話人賤, 話人濫... 你好好? 人地識有錢仔/有錢佬就係貪錢、Cheap、「做雞」; 你地難得識到個(疑似)有錢仔就叫緣份、浪漫、好有feel? 你以為執到支好籌, 以為人地對你係真果時就叫真心? "一齊左"之後人地唔見人唔覆你, 你發現自己原來比人玩, 就叫「無悔」? 明明懶高調以為人地黎真, 點知發現原來人地只當ONS, 仲搞到圍內個個知晒, 就改口「呢D野其實都好平常o者」?

講真, 我好認真咁諗左好耐, 確實唔撚明D八婆/港女, 到底鬧/笑人D乜? 人地依家靚過你(係靚好多好多)、Keep得好過你、嫁得好過你、老公有錢過你、靚仔過你、屋企大過你、禮金多過你(仲多好多), 有D係度話人襯家麻煩, 我又要督爆喇, 係咪你地D冇錢又冇4億禮金既普通人, 同襯家關係就一定好好? 襯家就一定唔麻煩?

咒人好快離婚。係咪你地D平凡既"良家婦女"(你地總係以為同嘉欣比你地就係"良家婦女")離婚就好稀奇? 平凡家庭離婚就好罕有? 退一萬步, 演藝界離婚, 你覺得好大件事?


咪以為我係仇恨港女仇恨到痴晒線喎, 對於果D愈鬧愈起勁既仆街臭口仔、賤男, 我更加唔撚明你班撚樣話人地乜撚野。

係呀, 我知呀, 話人笑人「咁有錢仲走去娶隻老雞」, 法官大人, 唔好意思我有野問, 呢隻"老雞"你又有冇本事食?

笑人「爆粗港姐」, 你冇撚野下, 落左黎香港幾耐呀柒頭? 女人講粗口, 你覺得好驚訝好稀奇? lky.ra我當然都聽過無數次, 係好好笑喎, 但係我唔會幼稚到「唏, 佢講粗口都唔知幾流利呀!」好似覺得發現新大陸咁囉!

唔抵得人地既有錢又娶到靚老婆? 笑人「失匙夾萬」? 點解我覺得人地做緊失匙夾萬都仲要比你掂一萬倍?

點解我睇來睇去都係覺得許晉亨點睇都依然比你班柒仔靚仔有型有風度得多? 點解我睇來睇去呢個好撚開心咁笑人娶雞既你, 都只不過係一個渣住張地鐵報紙, 樣撚衰衰既核突醜男, 而你呢個柒頭係度笑人地許晉亨「on撚99」?

法官大人, 我好想問 : 請問你以為你自己係邊撚個???


***** ***** ***** ***** *****


聖經有個好多人聽過既「石頭故事」 (事實上「石頭故事」有兩個, 我講比較多人知既呢個。), 耶耶話, 邊個自覺冇罪既, 就可以上黎用石頭打人。其實我不嬲都 唔認同 呢個故事, 因為呢個故事根本係錯既, 係害人兼教壞細路既。以前已經寫過無數次(唔在Blog), 簡單黎講就係我本人係點、係同"我話你點點點"兩者完全無關。

一個罪犯, 絕對有權利企出黎指證另一個人既罪行; 我就算本身犯左咩重罪, 並唔會因此而令我講「1+1=2」呢句變成謊言。但既然係咁, 我又點解要話人憑乜野鬧李嘉欣呢?

因為你班撚樣/八婆實在太過份。得些好意需回手, 但你班仆街實在唔知限度。假如你地圍埋對住張報紙能夠 "無畏無懼" 咁用盡你地呢幾日果D惡毒刻薄說話黎鬧人笑人咒人既話, 我點解唔夠膽係度大大聲屌柒你地。既然你地覺得講呢D野冇問題, 咁我敢於 "逆市" 企出黎撐嘉欣, 更加冇問題。

你地把口實在太賤, 令人忍無可忍。我能夠明白你地幾咁眼紅, 幾咁唔抵得。徐子淇嫁人, 你地搵來搵去冇位入, 頂多人身攻擊(* 唔係"人生攻擊"!)話人甩啞都嫁得入豪門; 大劉甘比仍然現在進行式, 你地等來等去都冇攻擊時間; 輪到嘉欣亨亨, 你地壓左咁耐既所有眼紅、谷氣、唔抵得、妒嫉... 全部壓力就發洩到佢地身上。

鬧佢、笑佢既人, 唔係唔比你鬧, 但係太多人(尤其依家)唔明白

『鬧人笑人都係要有道理支持既。』

呢樣就係分別。仲有, 我"尊重"果D"出於真誠"鬧既人, 極力屌柒既係大家身邊果D後期加入, 甚至唔係為鬧而鬧, 而係 "為潮而鬧" 既賤人

其實呢單本來應該係一單好開心既新聞, 郎才/財女貌, 靚仔靚女, 雙方都曾經滄海、大浪淘沙; 承受眾多壓力最終能夠踏出呢步。本來應該係個幾咁靚既故事?

許生, 恭喜你。

嘉欣, 祝褔妳。38歲依然係本地S級大美人既妳, 艷光四射, 幸褔滿溢。無論妳以往經過幾多, 都係歷史唔能否認, 但亦無必要時刻掛在口邊。希望妳唔會變章小惠。



李嘉欣, 我撐你。