2010年5月6日

電影逍遙談微博版 20100505

電影逍遙談微博版 20100505


目前香港幾個垃圾導演之霸 : 彭氏兄弟、葉念琛、鄭保瑞、羅守耀

(林超賢已退榜, 因為睇真d, 佢點計都未至於要同呢幾位排埋一齊。)

(李仁港特別d, 佢明明係垃圾導演, 但往往你將佢d野拆開黎一截截獨立睇, 根本唔係咁差既。結論:此人特殊技係將一堆本來唔係太差既野, 痴埋去做一舊大垃圾出黎; 佢有本事將成件事由理應令大家好期待既野, 變成一舊舊臭不可聞「download都要考慮個file幾大」既產物。)

個人評級我會排鄭保瑞同彭氏兄弟爭最末位置。勉強黎講彭氏兄弟仍然比鄭大導演稍勝。彭氏兄弟既「作品」假如你只抽其中一部份黎睇, 相信仍不會令你反感; 相反地鄭大導呢位天才, 真係可以拍一套個半鐘既戲, 而你係裡面連一個可以接受既場景都搵唔到既境界。

羅守耀我反而覺得佢d野都仲有可取之處。佢拍動作打鬥場景ok既, 雖然確實係極度老土, 但嚴格黎講我仍然收貨。

唔講乜野, 以《黑拳》為例, 確實比起吳京自己拍既《狼牙》好得多, 甚至係 *遠超過* 本身已經係資深武指、長期跟住袁和平、徐克搵食既熊欣欣拍既乜鬼《戰無雙》。

----------------------------------------

唔通我真係咁老咩? 乜原來《Rocky IV》已經變成冇乜人記得既陳年老片咩? 點解《IP俠2》上左成個幾禮拜, 除左我之外竟然一直冇人提話呢套後半根本就係Rocky IV??

----------------------------------------

《IP俠2》最大功勞係導演。完全係導演功力既表現。
當然洪金寶功勞至少排第二。

----------------------------------------

要拍《IP俠3》唔緊要, 但千唔該萬唔該好耐都唔該, 唔該可唔可以唔撚好搵阿撚樣Jay做李小龍???!!!!?!?!??! 唔該!!!!!

----------------------------------------

趙文桌版《蘇乞兒》片廢就預左, 不過仍然有可取之處喎, 甚至仲係「非常可取」, 就係d取景真係好得, 咁先係貨。好耐冇睇過古裝片有咁高水平既取景, 甚至你問我「對上一套」我都已經答唔到。

《臥虎藏龍》啦可能。

----------------------------------------

點解甄子丹會唔拍《新龍門客棧》, 而去揀乜撚齊天大聖? 有邊個可以話我知?

----------------------------------------

曠世奇(廢)片《三槍》我最欣賞既係credit時既「死人翻生」鏡頭組...

----------------------------------------