2010年8月23日

823康泰:朋友MSN對話

823康泰脅持事件:朋友MSN對話

以下是我某位「跟菲律賓有密切關係」的朋友跟我在MSN的對話。內容有多接近事實, 我當然不知道; 但是我聽(看)罷覺得非常值得張貼出來。因為內容有許多地方很值得參考, 而且至少直到目前此刻(2010.08.23 23:00)在香港都還沒有見到有任何地方的任何討論, 有觸及過文中部份範疇。

注意 : 文中觀點權且先當作參考。
================================

呢單野係上面D仆街要搵替死鬼,個槍手就係個替死鬼
我今日睇新聞時,D報導話話個槍手比人革職,係因為貪污藏毒ETC
係菲律賓你是但犯一條都要坐喇,有得就咁革職咁好死咩
同埋個槍手一劫完車就放哂女人老人家,佢要殺就無可能放人

佢之前話3點會做野,之後搞下搞下拖到就咁貼張紙出嚟話要見傳媒
呢個要求根本就簡單到爆,無可能唔應承佢,但點解結果咁耐都無比佢見,就係因為上面落左ORDER,唔比佢爆大鑊
佢真係有心要殺人,老早就4點殺一個迫果邊一定要比佢見到傳媒,到七點幾都無人死,你都估到佢唔係想搞咁大野,由始至於個目的都係得一個,爆大鑊。

至於差佬話衝上車殺人ETC,呢度我無睇直播唔知
但係如果班差佬衝到上去唔小心殺錯人,到時就一定可以屈個槍手
家陣有人死就有哂理由做底個槍手,反正死無對證,可以全部入哂佢數
呢單野就明顯地係菲律賓警隊果邊有問題
新總統上任之後講明嚴打貪污果D野,已經有好多人被補
而根據菲律賓果邊嘅新聞所講,"話"個槍手係要幫佢細佬申冤,要求政府放佢細佬
(神父按 : (Aug24補充)佢細佬有去到現場及接近巴士, 及後「被菲警抓走」, 消息混亂, 不理解「抓走」意思只是抓離現場、還是「拘捕」之類)

至於事實係點已經係兩個故仔無人知,歡迎提出你嘅意見

因為果邊自從新總統上任之後,係嚴打得好勁
問題係呢D野唔係當地人的話唔會知

如果我唔係因為有咁多____係果邊,連我都唔知件事背後可能係咁
因為頭先我______時有人話死哂人
之後我即刻問我____咩事
佢根住覆我當時係無人死,結果之後就發生開槍事件
總之呢單野係菲律賓警隊仆街,點都係佢地無得賴
我亦都唔會講好說話

一早已經話唔可以搵人衝上去OR做出任何激烈行為,否則一定會死人
(神父按 : 呢句始終脫不到「廢話feel」...)

================================

(Aug 24 追加)

[菲警行動的真正動機] 其實相信很多人今日已經看過, 但我依然決定貼出來, 多一個轉載點, 怎樣也會好點。
* 鎚打的真正目的是令人看不見紙上的文字,三個被鎚打的地方都是!

* 另外未經證實消息:「人質表示:當時門旁的人質,是被菲警直接敲死的」但這個消息我找了很久, 都找不到比較可靠的來源, 即例如報館或新聞網站。只在討論區和FB中瘋傳。暫時建議大家只當參考。重申:此消息【未經證實】。