2010年10月30日

清真牛肉館事件

清真牛肉館事件


❃❃❃ 此文批判香港人既on99、扮醒目、唔識扮識、無腦、弱智、幼稚、低B。如果唔撚中意既, 可以選擇關閉Browser、熄機、掟撚爛個mon、或者索性死撚左去。 ❃❃❃



首先請睇睇以下新聞內容。
====================
http://hk.apple.nextmedia.com/template/apple/art_main.php?iss_id=20101028&sec_id=4104&subsec_id=12740&art_id=14600566

【本報訊】蔡瀾讚譽九龍城「清真牛肉館」的牛肉餅:「全港認第二,就沒人敢認第一」。這家名滿全城的食肆卻鬧雙胞,在清真牛肉館工作 13年的員工自立門戶,一再開設「北京清真牛肉館」搶生意。清真牛肉館昨向高等法院申請禁制令,要求對方改名經營、銷毀食物餐牌並賠償。
原告為清真牛肉館的經營者,被告是北京清真牛肉館的經營者。入稟狀指,原告的生意可追溯至上世紀五十年代,原告現時有兩間店舖,分別位於九龍城龍崗道及打鼓嶺道。原告以牛肉餅馳名。
被告 93年加入原告的店舖工作, 06年離職,未獲原告同意,今年 5月 30日以北京清真牛肉館名稱在紅磡蕪湖街開店,又抄襲原告餐牌提供類似食物。原告指被告誤導公眾。
案件編號: HCA1597/10

====================

依家我比一分鐘時間大家。未曾睇過此新聞既, 請先用一分鐘黎想想你自己對此事既睇法, 唔好問任何人。如果曾經睇過既, 請用呢分鐘回憶一下自己之前有冇向家人朋友同事網友發表過咩咩睇法、又或者回憶下你聽過人地既咩睇法。


一分鐘。







以下係我本人既睇法: 『痴撚左線,「清真牛肉」你專有架?仲「抄襲原告餐牌提供類似食物」,屌你老母,係咪你賣雲吞面人地就唔撚賣得呀?』

不過好驚訝地我發覺原來香港人唔係咁架啵。我睇到絕大部份人既反應係: 屌, 過橋抽板喇! 最憎呢d人喇! 不忠不義喇! 金句節錄:「人格真係....,點好食都冇用,我唔會去幫襯」......云云。

...知唔知有乜問題? 真係簡直同黃子華講一樣, 香港人諗野, 乜撚野都撈撚埋一齊, 問題係佢地仲以為大條道理。

穆斯林唔食豬肉("大肉"), 多食羊、牛肉。由穆斯林製作的牛肉食品、菜式自然就是所謂的「清真牛肉」。「清真牛肉」只是很普遍很平常的食品, 回民區維族地區任何一間穆斯林清真館做的牛肉食品都是「清真牛肉」。「清真牛肉」實跟「港式奶茶」「港式西多」...之類咁既字眼完全冇分別。

只係香港人身處廣東南方一島, 終生以為自己所煮所食既先叫「中國菜」(* 熟悉本人、認識我超過十年既朋友網友們, 自然知道我呢句講乜野), 鮮有知道任何其他民族烹制食品如何。有人看準呢點, 係香港搞間鋪專做港化穆斯林食物(當然, 又有幾多「懶識飲識食」港仔港女識得分點為之地道丫! 吹水扮識食就叻!), 又因廣東人向來唔多受羊肉, 於是鋪頭以牛肉食品為主, 仲以「清真牛肉」取名。

(* 港仔港女當然根本唔明白「清真」一詞真正所指為何。我實在極度懷疑係香港一間由港人開設既小店是否真能做出「清真」的食品。)

有人睇準港人少食, 就開間「清真牛肉館」。此舉本來就屬於有爭議性既, 睇唔出問題所在, 實乃港仔唔識野, 再無他因。所謂「清真牛肉」係具普遍性既, 唔撚係你專用、唔撚係得你先識做、唔撚係只有你整出黎就叫清真牛肉其他人整就唔係。你開鋪頭賣牛肉有你自由, 但你開鋪頭叫「清真牛肉館」係你on9, 你自己囉黎。係你自己由一開鋪之時就已經心術不正, 企圖自己霸佔今後所有賣「清真牛肉」食品既正當性。

咁做, 同我聽日搞一間就咁叫「揚州炒飯店」既鋪, 然後唔準今後任何餐館賣揚州炒飯有咩分別? 我聽日去澳門開間就咁叫「香港西多」, 從此控告任何企圖賣港式西多既餐廳, 得唔得? 揚州炒飯係咪你專有? 港式西多係咪你專做?

「清真牛肉」又係咪得你可以做呀?? 你憑乜撚野唔比其他人做??

認真睇睇, 罪名竟然包括「抄襲原告餐牌提供類似食物」。而呢班乜撚野都識晒既香港人, 竟然會讚同呢一點。

屌你老母, 你班撚人出去幫我囉十零份茶記外賣紙, 望下係咪九成都一撚樣, 你班撚人出去幫我囉十間唔同酒樓點心紙, 望下係咪都係一撚樣既點心炒野。

茶記早餐間間A餐都係火腿通粉雙蛋多士茶或咖啡, 你唔撚出聲?

究竟有冇人發現你地班冇腦香港人平時最中意扮識飲識食, 但竟然對如此on9指控齊聲起哄? 你地平時d "breakfast" "dinning" 食乜撚野既? 係咪食緊屎??


有人話, 喂, 依家開間新鋪個名一樣喎 --- 真係on99夾痴撚線, 首先依家事實係唔一樣。假如真係有人開間一樣名既, 你應該去告九佢, 我都支持你告九人, 可惜依家唔係。你自己心術不正在先, 企圖自己用「清真牛肉館」就可霸佔此後一切「XXX清真牛肉館」, 屌你老味啦, 你好意思告人?

果d幫口既香港人, 敢問: 你地有冇腦??

有人話過橋抽板, 撬人地伙記 --- 拿拿拿, 睇下喇, 咩叫唔識野又要加把咀、外行充內行呢, 我敢講, 講呢句說話既(「過橋抽板, 撬人伙記」)都係on9仔。

首先問你呢班on9仔一件事:某甲我係餐館打工十幾年, 儲到錢出黎自立門戶開鋪 --- 請問你班on9仔係咪認為有罪? 有問題? 唔撚比? 想問下你做左幾多年人??? 有邊個餐館老細唔係咁出身??? 個個開鋪頭既都係老頭幾千萬剩落???

呢個飲食業黎架on99, 邊撚個唔係咁樣打工儲到錢再出黎自己開鋪? 我係潮州粉面鋪打工二十年, 有錢自己開鋪開返間潮州粉面, 你班on9仔覺得係新聞? 依家你間自稱元祖既「清真牛肉館」唔係咁起家? 你地唔係又在其他清真館學野之後返香港搞?

話「撬人地伙記」, 痴撚線, 你覺得係新聞? 你間「清真牛肉館」出好多錢請伙記既, 唔准人走? 邊個係飲食業做伙記既, 跳糟唔係跳返做飲食? 做開茶記大廚, 你唔准人地跳糟第間茶記? 你做乜撚野呀? 仲有, 係飲食業做開一瓣, 跳出去做返同一瓣係新聞? 你做開壽司師傅, 有人竟然出雙倍人工無端端叫你去做法國菜, 你可能都願意試, 但當然嗌你跳過去第二間繼續做壽司既機會最大。

而且依家人地都係你鋪頭打工十幾年, 依家自立門戶, 想請返班舊同事舊手足有錯? 定係人地叫得走伙記, 你唔抵得? 一係人地高你好多人工, 一係就有「其他原因」, 所以個舊伙記一自己開鋪, 就即刻成班手足跟佢唔撚跟你。呢個咩原因我唔知亦唔打算知, 只不過假如你認為呢樣係罪, 你大可以試下去法庭告人撬你伙記囉。

不過最最最主要, 都係想屌柒果班睇報紙睇周刊然後係度吹水扮聖人扮飲食業鉅子, 屌人「撬人地伙記, 不忠不義」果班撚樣港仔港女。敢問: 你地有冇腦?

竟然仲比我見到有大義凜然金句:「不忠不義」。屌你老母, 我真係標冷汗呀, 對撚住你d識飲識食港仔大師... 敢問: 你呢個打工仔、蛋散, 係咪「既忠且義」立志終生忠於你老闆? 敢問你條白痴仔係咪平時同你地公司講忠義? 敢問英雄你係咪絕不「不忠不義」跳糟他司?

敢問你地呢班識飲識食港仔港女英雄: 請問我可以笑九你嗎???



❃❃❃ 睇完覺得我正係鬧緊你, 又唔認係自己柒, 覺得好唔舒服既, 可以選擇自己反省, 企返起身比個腦諗下、打爆部電腦、又或者打開窗死撚左去。 ❃❃❃