2012年7月1日

「香港警察不對市民動武」

「香港警察不對市民動武」


有網友提及「希望香港警察不至於對市民動武」,有感而發,覺得有d說話要公開講講,對於各位示威常客屬於人人皆知,但係好多呢d野我地知,但一般市民仲唔知。訊息不對等下,會令警方得逞,令外界傾向警隊一方。好有必要公開寫幾句。

其實香港警察老早就對市民動武了 (假如閣下係果種認為「去示威係激進,活該,不能算入市民」的弱智,可以依家就關閉browser)。當然新聞不會播,播了也會被稱一時誤會、意外碰撞。

現在最常用的是打完之後見到你「唔好恰」貌似會追究,就會即時插水馬上反控你襲警。因為咁樣呢個「個案」就會變成「示威者襲警後稱警方動手」。大家依家新聞上睇到既個案大部份係呢種。當然,其實絕大部份個案根本唔會報出黎。

對於經驗尚淺的朋友們,如何判斷「對方」是存心打你?這本來是個可以很深入的話題,但是我近一兩年卻注意到「他們」的一種常用手法,其「常用」之頻,足讓我相信,這手法很可能甚至是他們「官方」傳授的。當你發現被人打,然後你很快地望向對方,你發現他一看到你望他,馬上放開雙手半舉,並且向你發出一個甚有深意的「笑容」。這組動作本來是很正常的「對不起我不是有心的」身體語言,但是「實際上」你經歷過一兩次你就知道是怎樣一回事。很多時候你會看到真的是無心之失(或者他其實是在對付你身邊其他人),這種情況他根本沒空留意你,還在忙著幹他正在幹的事,例如仍在出力推著鐵馬。

比較接近兩個較激進團體既朋友們,都會識一樣野:行動中途假如真係想去驗傷、睇醫生(唔理關唔關差佬事),絕對唔可以天真到向差佬提出甚至比佢地知,因為佢地100%會即時「先發制人」檢控你襲警,並且會搵個「受襲差佬」搶係你之前驗傷。

邊個企過前線既未比差佬郁手打過?我示威以黎都比前線差佬打過唔知幾多鎚,有次更係背脊向差佬都比佢地存心打(係咪存心打,厄我唔到。)。胡椒食得唔多,兩次咁大把,不過我次次都有所準備,冇咩傷害 (題外一句,我真心唔明部份戰友「常客」們,企前線都唔係第一日,點解唔肯做少少預防措施?我無意揣測)。


再提一次: 假如你係常客,你要記住好多野你可能一早知,但一般市民仲未知。比大家知多d,長遠亦係令自己減少「二次傷害」既手段。