2012年9月8日

寫於九月七日政總集會後

《寫於九月七日晚政總集會後》







《《《文章或許令人反感或唔舒服,自己衡量睇唔睇。》》》






我知依家講呢d說話,會令人唔舒服甚至反感。不過我都係要選擇依家講,因為假如我將來再講,我自己會唔舒服。

無論係現場、定返黎睇大家d反響… 好明顯,其實呢9年來,香港人既「抗爭」其實係白做了。倒仲真係「原地踏步」。大家其實骨子裡面,依然係覺得「我斯文,我和平,我自豪!」。

我唔係叫你一定要「搞事」一定要玩大,而係,喂,真係唔該,唔好到依家2012年9月,仲係度為左自己參與左一個「理性和平有秩序好乖乖唔掉垃圾」既集會就覺得「好自豪」丫唔該!我講幾句坦白話:well我一樣親身多次到場,一樣日日「不遺餘力地用我既方式」黎為呢個運動係網絡場上「掃蕩」;但係其實無論邊一次(包括最多人既今晚)遊行、集會,我完全唔覺得咁樣有乜咁「值得自豪」。

我再repeat多次:我依然落力聲援,但呢種集會,我完全唔覺得有乜咁「值得自豪」。

我冇資格阻止其他人講「嘩咁多人集會都冇乜垃圾喎,身為香港人我覺得真係好自豪」之類,但係香港已經係過去幾年付出太多,買返黎既教訓亦「理應」好多人都能見到,就係香港老早就唔可以再倚靠呢種類型既集會 (本來我既字眼會更「到肉」,但係最後我都係唔忍心寫出黎)。講到呢度stop,留空間比大家思考。