2013年1月11日

【扯我港旗】扣旗問題

【扯我港旗】扣旗問題

愈黎愈多人開始加入「扯旗」行列,無論你舉咩旗,龍獅定港英,定你親共愛國舉五星旗抽氣扇旗,我都注意到個情況,就係大家往往熾熱地去買旗,但係往往買左返黎之後,先開始疑惑旗杆既問題。

絕大部份人都係用果隻「白色伸縮膠棍」。呢種棍既主要好處有兩個,亦只有兩個:
1) 相對地容易買
2) 夠長。好長。

而我自己,就用緊淘寶買返黎既伸縮旗杆,我訂少量幾支順豐運埋落黎,除開都係廿幾蚊支,仲平過「白膠棍」。但衰到極至少係金屬既,舒服海綿手柄,杆身自己有旗扣,縮埋仲可以收落袋!機動性強,可以做到快速裝拆,極推薦。不過我就唔提供淘寶店家喇,無謂做到好似幫人做廣告咁。大家自己用「旗杆」大把有得揀。唔好問我點用淘寶。





但更重要既係,扣旗問題。

我早幾日睇埋高登,發現好多人居然唔知點樣簡單方便咁扣旗,搞到又索帶又繩又較剪 (拆果時仲要剪)……on99,街邊3,4蚊一隻買兩隻最細最細果隻「快扣」(爬山扣)就得啦屌。


最右:快扣
我自己上次就用更「精美」既鋼索圈,成本相同,但係拆旗時始終唔及快扣咁便捷。

我呢支旗杆本身就有扣啫,但假如用最常見果d「白色膠棍」又點做?



可以先上旗度好個位,用索帶索住個快扣。從此 個快扣就跟住支棍 ,每次上旗拆旗只需拆走支旗就得,唔使下下走去剪索帶。