2017年12月25日

如何自行判斷曼德拉效應?

如何自行判斷曼德拉效應?

仲係講曼德拉效應Mandela effect。

首先最撚憎果d不信者既果副咀臉。「不信」係好閒,假如人人明白就唔叫Mandela effect了。問題係呢d人中意一副以為一句「記錯」咁撚樣既 廢話 放屁 就覺得足夠說明一切、又或者佢地係覺得對方係 唔明白 唔知道 乜野叫「記錯」。好似認為只要有提出,呢個人就係連6歲細路都不如、因為佢唔識得咩叫「記錯」。我要強調一下, 單單淨係呢個心態,就已經係一種非常幼稚既表現 。同果d自己幾廿歲人從未見過鬼, 所以鬼係"一定"唔存在、話見到鬼既人一定係睇錯或者講大話 既人係同一類型。

轉入正題。
以下內容只係對「相信有Mandela effect者」講,唔信者可以出返去先。
當大家驚覺有Mandela effect之後,幾乎係必定會出現各種疑神疑鬼既現像。(自己)點樣去判斷某一件事係唔係"Mandela effect"定係單純記錯、又或者其實只係自己從來冇認真注意過既false memory效應 (呢個亦係果d「取笑者」最中意用既解釋 —— 問題係佢地"以為"只有佢先知咩叫False Memory。)?以下我再教大家點樣進行一個最基本判斷。

簡單一句:「Odd唔odd?」

因為假如某一件事,係真係「只係自己記錯」,呢種情況下,得知"真相"之後 你係 "唔會" 覺得odd既,而係恍然大悟。 我打個比方,只係比方。
(現實裡)王菲係香港初出道時,叫王靖雯。後來先叫王菲。
呢件事已經好多年,而佢初初王靖雯時期並唔算好紅。正如依家大家講起佢都會叫佢「王菲」。咁假設我自己因為太耐喇,已經記錯左,成日以為佢以前叫「王 雯」,ok?
咁到某日忽然發現,咦,原來唔係王雯,而係王雯喎!
會發生咩事?
首先,我係絕對唔會出現「大吃一驚」既情況。亦唔會覺得任何「不可思議」。原因係, 《假如的而且確以前一直叫"王靖雯"呢個係"我"過去既事實》 ,咁我過去既人生,係必然常聽到常睇到,或者至少曾經聽過見過「王靖雯」呢三個字。就算後來記憶模糊,一旦叫返「王靖雯」,我係一定會馬上記得,因為確實曾經係過去某段時期聽過見過呢個名。
各位成年人大家回憶某d例如「小學同學名字」時,必定對於上述現像非常熟悉。某個同學你已經記錯佢個名,但只要另外有人提返,你係100%會即刻記得返並且知道,果個名先係正確既。

但如果情況係Mandela effect?即係我既過去人生,呢個女歌手確實叫「王倩雯」呢?咁當我一聽到「王靖雯」三個字,就必然會非常迷惘、傻更更懵盛盛,因為對我黎講 過去人生從未聽過見過王靖雯呢三個字 ,根本對我黎講完全係"新"野。你同我講話佢以前叫「王靖雯」而唔係「王倩雯」, 我係會覺得成件事好odd ,「冇可能」,冇理由既。

而果d唔知咩叫曼德拉效應既人,呢個時候就會開始自作聰明,取笑我老喇,自己記錯又唔認,貼粒膠,然後往往仲會貼一d「舊文舊相」去說明『一直以黎都係叫王靖雯』—— 因為佢地從頭到尾都唔知發生咩事,但係佢地以為自己乜都知。

所以請唔好睇少自己既反應。 相信自己既反應 。如果一件事真係只係記錯,聽到正確答案時你係會馬上知道自己記錯既。

2017年12月16日

旅途後備現金存放

旅途後備現金存放

又係眼睛想旅行時間。
之前示範過藥筒放錢範例(當時用得果定),但係其實唔係太有用,因為只能放好少既錢,因此只適合用黎放少量「最終救命錢」,唔足夠。
我並唔係係度教大家「用某一件"指定既"物件」黎做呢件事;我一直想教導既, *係一套心法、一套思路* ;而唔係直接叫你「用乜野object」去做。我所希望既係,假如你地都覺得自己有相同需要 *(係旅途中,需要放一定比率既現金在行李(酒店),而唔會帶晒全部現金出街)* —— 有d人會認為冇呢種需要,我唔爭辯 —— 你地可以按照呢套心法、呢個思路、係你地手頭上,搵出適當既物件黎做。

假如只係單純「搵個地方塞到舊錢入去」既話,使撚講咁多咩;但依家要預防既唔係扒手,亦唔係打劫或者搶手袋,而係放係房間無人Attend既行李。可以係酒店員工、可以係爆你間房既賊。

其實個大原則同「得果定筒」並無分別:當一個賊能夠搵到機會巢你既行李時,佢仍然唔會注意你放錢既地方。
心法就係:要放係一個,即使個賊見到、摸到,佢都唔會諗你係放錢係入面。要當個賊見到時, *佢以為自己知道呢舊係乜野* ,而且對佢唔會有興趣、唔值得花時間去打開睇下佢。唔能夠令佢聯想到呢舊野入面會有值得去偷既貴重野。唔能夠令個賊感到好奇:放果舊野係果個地方,係「唔自然」既、顯得格格不入既。

舉幾個例。如果係你行李入面見到一個銀包,咁係賊都會去打開佢。如果佢見到有一個散紙包、或者係任何"general pocket",即係一個冇明顯用途既小袋,佢會好奇。例如你同我一樣有個放雜七雜八既旅行用品袋,但係入面寧寧叮叮有個信封,又或者無端端塞左個DVD盒係入面,係人係賊都會好奇。呢d就係「格格不入」。例如本來求其搵隻襪,塞堆現金入去包住,呢個idea唔錯;但係你偏偏就咁將「果一隻襪」(係,仲要得一隻)塞係一堆電線呀、叉電器呀、電池呀堆野入面,呢種就係格格不入。

我再重申一次。我 *唔係* 係度教你「用咩黎裝錢」,而係講述緊心法同思路。而各位假如認同呢個需求,應該按此而搵出自己身邊擁有而又適合、至少你自己覺得順手既物品。

唔講唔講還需講。講一d我認為適合作此用途既物件:
- 使立消鐵盒 (呢個真係近乎無敵,記住係鐵盒)
- 一包包既香口膠袋(個袋口有seal果種)
- 藥/急救用品盒,例如一個size剛好既藥水膠布紙盒,外觀一定要一睇就知係藥或者呢類用品
- (前面提過) 襪,要放返係其他襪呀底衫褲呀一齊
- (女人專屬) M巾 (要原裝品牌包裝一望即知係M巾,而唔係獨立既"M巾袋")
- 煙盒(零售紙盒,唔係講金屬煙盒)
- *唔‧好‧諗‧撚‧埋‧d「挖空本書放係裡面」之類on‧柒‧鳩‧弱‧撚‧智‧既‧古‧靈‧精‧怪‧做‧法* (好多台灣傻閪專門教人做埋呢亭低B野)
- ……你地應該能夠搵到任何你地自己手頭上已有、而又更適合既其他物件。

記住「心法」更重要。搵到乜野黎裝,囉黎放係個袋入面,自己對住佢幻想自己係做賊,見到摸到會點諗。

✩✩✩✩✩✩✩✩✩✩✩✩✩✩✩✩✩✩✩✩✩✩✩✩

最後離題講一件具體既產品: *折疊衣架* ,對旅行者黎講簡直係神物。最好同時擁有一條橡筋繩。


呢樣野我好耐之前係果d兩蚊店見過,以前覺得係典型大陸產垃圾。後來外遊時係外面先發現呢種衣架幾咁有用,卻已經完全唔見晒,最後要特登走去淘寶。他媽的買完返黎無耐,就發現忽然無論兩蚊店五蚊店定DAISO都湧晒出黎。
Yes,依家你去d濕鳩兩蚊店或者雜架攤都買得到,唔使淘寶。