2018年5月11日

[柒人柒事] 日本的士

[柒人柒事] 日本的士

我講既「柒人」就係我自己。
剛睇到d旅遊網站果d咩「去日本必需注意這十件事」果d,提及日本的士。我今日決定講一單我自己從來冇面講出口既柒事…

事發係關西,已經唔記得係大阪定京都,是旦啦。
我好平常咁過馬路,馬路既彼岸有架的士停係度等客。我過完馬路行過,見到佢打開左後面車門,而司機坐係司機位睇緊手機。
我當時仲係一副「好撚熱誠好撚熱心」既心態,諗緊係咪上一個客落車冇關門而佢一直都唔知?我係車門邊望兩望(司機開始注意到我),然後嘗試用身體語言指左指度門,擺出一副類似黑人問號.jpg既表情。但係個司機肯定以為我想坐的士,猛用手勢叫我上車。我仲係度諗,唉身體語言都係說明唔到,於是「好好心、非常善意地」幫佢關上車門然後仲要向司機揮揮手bye bye走人。

我大概到第二日經過一整排等客的士全部打開車門時,先明白打開車門黎等客屬於"慣例"之一 (但非必然)……………